الحمد للة الحمد للة الحمد للة الحمد للة الحمد للة الحمد للة

عندما كنت اقرا فى احد المنتديات وجدت موضوعاً جذب انتباهى  لدرجة كبيرة وهو :

قالت كاتبة الموضوع هذا الكلام :

طول عمري باكره البرامج من نوعية ( لكِ سيدتي ) و ( صبيتي الحلوة ) و الحاجات دي ... التي تحصر اكبر اهتمامات المرأة في كيفية تنسيق لون طلاء جفونها مع لون الحذاء !

الغريب إن النظرة دي تكون موجودة فعلاً ... و أن يعتقد البعض فعلاً إن دي أهم اهتمامات المرأة اللي المفروض تكون عندها ....

بحيث يكون عقل المرأة و ثقافتها هو من أواخر ما ينظر إليه ناظر ... مادامت لابسة و متمكيجة و لا على سنجة عشرة

مش باقول بالتأكيد إن المرأة ماتتزينش لزوجها .... الأمر ده مفيش عليه جدال بأي حال من الأحوال .... لكن الغريب و الملفت للنظر أن يرى البعض إنها المفروض مايكونش وراها شيء هذا الأمر ! و بقية الاهتمامات الأخرى هي تحصيل حاصل مادامت تجيد وضع الاي لاينر و طهو المحشي

فلو تكلمت عن فلسطين أو العراق أو حتى الأحداث الداخلية فلن تعدم أن تجد من يسألها بذهول : يا حبيبتي انتي بنت رقيقة ... مالك انتي و مال السياسة ؟؟

فلا مانع أن تهتم بآخر ألوان الفساتين و الأحذية و آخر الموضات ... أما أحوال العالم الإسلامي و الآلاف الذين يقتلون و يشردون فليهتم بهم فرد آخر حفاظاً على رقتها

و الحقيقة أنني أحياناً إذا ألقتني ريح الانترنت على واحدة من تلك المواقع التي تسمى نسائية يصيبني من أمراض القلب و المرارة ما يصيبني !  حين تجد إحداهن تصرخ لأن رموشها لم تعد طويلة كما من قبل ... و أخرى تبكي لأن هناك حبة تشوه الخال على خدها و هي لا تقوى على الحياة مع هذا العذاب الذي تراه في المرآة كل يوم !

كما قلت ... لا أنكر أن تهتم المرأة بجمالها لأن ذلك من فطرتها ... لكن أنكر فقط ألا توضع الأمور في نصابها الصحيح و لا تعطى الأشياء أهميتها الحقيقية !

أذكر في إحد المرات نقاش دار مع الأحد الأقارب حول الزواج الذي يطلقون عليه ( زواج الصالونات ) و هو كان معترض لأنه يرى أن المرأة لا يجب أن تكون معرضة لكل من يأتي للفرجة و الاطلاع .... و عندما دار النقاش أن تلك المقابلات يكون هدفها أن يعرف كل منهم تفكير الآخر و يشوف دماغه عاملة ازاي كان رده : هو فيه لما بيروح عشان يشوف واحدة بيفكر في دماغها و ثقافتها ! دماغك !

و المأساة فعلاً أن يكون الذاهب لاختيار من ستربي أولاده ذاهب لمجرد إنه ( يتفرج )

عندها لا تلوموا المرأة عندما تكون أقصى اهتماماتها لا تخرج عن المطبخ و أدوات التجميل ... و لا تلوموا الأجيال لو تربت تربية مشوهة !


و بس

فرد عليها الولد الاول قائلاً :

عليكم أنفسكم لا يضركم من ضل إذا اهديتهم.

مش فاهم إيه اللي مضايقك بالظبط؟؟؟ طالما إنتي مش كده يبقى ايه اللي مضايقك؟؟
زعلانة على هيافتهم؟؟ هم مبسوطين كده وأجوازهم هيبقوا مبسوطين بيهم وهم كده...ده يضرك في ايه؟؟؟

المهم إن زوجك إن شاء الله يبقى مبسوط بيكي عشان بتتكلمي عن العراق وفلسطين...بتكلم بجد مش بهرج

فكان رد البنت عليه هو :

يضرني إنه حاططني في قالب مسبق المفروض اني اكون ماشية عليه .... و اني بعامل معاملة الشاذة عن المجتمع لمجرد كوني أصبحت أفكر في اهتمامات مختلفة ....

و يضرني كمان إن حضرتك مش واخد بالك إن بالطريقة دي احنا ممكن نكون بندفع الفتاة دفعاً إنها تكون بالشكل ده ... يعني لما تكبر تلاقي كل اللي حواليها بيفكروا فيها بشكل معين و كل اللي حواليها بيسير فيها في اتجاه معين ماتتوقعش منها ماتمشيش فيه .... و بالطريقة دي هتبقى فيه طاقة كبيرة أوي في البلد مهدرة نتيجة عدم تصحيح أولوية الاهتمامات لا أكثر و لا أقل ....

و على فكرة أنا معظم كلامي كان على آنسات مش على متزوجات

رد عليها الولد قائلاً :

مين قال إنك المفروض تكوني ماشية على هذا القالب؟؟ مين اللي فرضه عليكي وبأي حق إنتي وافقتي تمشي عليه؟؟
لو مثلا الشباب كلهم بقوا بيفضلوا البنت غير المحجبة على البنت المحجبة...ساعتها هتسيبي حجابك عشان المجتمع يتقبلك

ومين قال إن المجتمع بيدفع الفتاة لمعرفش ايه؟؟ هو كل واحدة هترمي مصايبها على المجتمع؟؟
يعني اللي فهمته من كلامك إن المجتمع بينبذ البنت المثقفة أو المهتمة بالسياسة والشأن العام...الخ.
أعتقد الكلام ده لا ينطبق على البنت فقط. بل ينطبق أيضا على الولد.
أنا شخصيا كنت باخد كمية تريأة محترمة عشان بقرأ كتير وبهتم بالسياسة وعامل بطاقة انتخابية وبروح أنتخب...الخ
وحتى في الكلية لما كنت أحاول أندمج مع الشباب في الهيافة بتاعتهم كانوا بيبقوا محترمين قدامي نوعا ما، ظنا منهم إني ملييش في الهلس . ويمكن ده سببه الصورة المسبقة اللي انطبعت عندهم...أو ده الانطباع الأول اللي دام على طول ومعرفتش أغيره خلال الأربع سنين بتوع الكلية.

أصلا دلوقتي بقى اللي بيهتم بالسياسة والشأن العام أو حتى بيقرأ الناس بتتريأ عليه وتلاقي عبارات من نوعية "ماشي يا عم المثقف"، زي الملتزم بردو الناس بتفضل تقوله "خدنا على جناحك يا عم الشيخ" والحركات دي.

وأنا مش شايف إن دي حاجة مضرة أوي كده...ومش هتغير عشان أعجب الناس،  

وأكيد كل واحد هيلاقي الأشخاص اللي يقدروا شخصيته أو أسلوبه في الحياة وعقليته، سواء الأشخاص دول كانوا أصدقاء أو كانوا شريك العمر.

لكني مازلت مصر إن الموضوع غير مضر على الإطلاق  ومفييش حد بيجبر البنت على إنها تكون هايفة أو تكون جادة...الهايفة هايفة عشان هي بتحب الهيافة مش عشان المجتمع بيقولها خليكي هايفة 

وعموما الهيافة لها وقتها والجد له وقته...يعني الواحد مش هيتجوز واحدة عشان يقعدوا يتناقشوا في مشكلة دارفور
قشطة ممكن نتناقش وكل حاجة...بس محسش إني متجوز مادلين اولبرايت

اهتمام المرأة بالتزين والملابس والموضة والطبيخ والكلام ده كله مينفعش نقول عليه تفاهة. لسببين، أولا مينفعش أسفه من اهتمامات حد، فما قد يكون مهما بالنسبة لك ممكن يكون هايف بالنسبة لغيرك.

ثانيا إن الاهتمامات دي تعد اهتمامات أنثوية بالدرجة الأولى، في أي مجتمع هتلاقي دي اهتمامات المرأة، ومتبقاش "أنثى" لو مش بتهتم بالحاجات دي. زي بالظبط اهتمامات الرجل بتكون غالبا الجيم والكورة والعربيات والفرجة على الحريم مثلا

أما الاهتمام بالثقافة والقراءة والسياسة والاطلاع على الشأن العام فهذه تعتبر اهتمامات انسانية، يتساوى فيها الرجل والمرأة، والاهتمام بهذه الأشياء يضيف لقيمة الشخص كإنسان، وليس كذكر أو أنثى.

يعني لما واحدة تهتم بالتزين والجمال والصحة والموضة...الخ أكيد هقول عليها "أنثى".
لكن لو مهتمة بالحاجات التانية دي فهقول عليها واحدة مثقفة، زيها بالظبط زي الواحد المثقف.
اللي أقصده إن الاهتمامات الثقافية اللي ذكرتيها ملهاش علاقة بالجنس. ولا تجعل المرأة أكثر أنوثة ولا تجعل الرجل أكثر ذكورة، بل تجعل الإنسان -ذكر أو أنثى- أكثر قيمة.


مش عارف إذا كانت فكرتي وصلت ولا لأ

رددت البنت وقالت :

متفقة مع رأيك بلا تحفظات ... الفارق الوحيد بين استيعابي و استيعابك للأمر هو أن تعاطي المجتمع نفسه مع الأمر ...

يعني الاهتمامات الانسانية اللي انت قلت عليها ممكن المجتمع يتقبلها بشكل ما بالنسبة للولد .. على اعتبار إنه من الممكن أن يحيا حياة معقدة بشكل ما .... لكن وجود نفس الاهتمامات بالنسبة للبنت فيه ناس كتير بتشوفها على إنها ( انتقاص ) من طبيعتها كأنثى ... فاهم قصدي ازاي ؟؟

و ده اللي انا معترضة عليه مش شيء تاني ... فكرة إن الأنثى يجب أن تهتم بأشياء ما لا تتعداها و إلا نقصت بدلاً من أن تزداد ...

زي بالظبط ما انت بتوصف اللي كان بيحصل معاك فانا ممكن اذكر عدد لا أعلمه تحديداً من المرات اللي لما اكون لابسة شيء رقيق مثلاً أو حاطة اكسسوارات مثلاً أو شيء من النوع ده في قعدة بنات يخرج التعليق الشهير : ايه ده ما انتي بنت اهه !

كأني المفروض مادمت أهتم باهتمامات فكرية بشكل ما يبقى منطقة الأنوثة في عقلي اضمحلت أو شيء من هذا القبيل


في حين إن التعليق اللي ممكن يقابل ولد مثقف في عقدة تهريج : إيه ده ما انت روش اهه ... او ما انت كوول او الكلام اللي بيتقال ده !

يعني مش بيربطوا بين كونه ولد و اهتماماته الذكورية الطبيعية ... و بين كونه مثقف ... زي ما بيحصل مع البنت ...

قصدي اقول إن في مجتمعنا ... اه الثقافة مرتبطة بالجنس ... ارتباط الثقافة بالانسانيات فده الهدف اللي احنا بننشده ... مش اللي موجود على أرض الواقع ... و إذا كانت حضرتك بتتعامل بالمبدأ ده فاسمحلي اقولك إنهم مش كتير فعلاً اللي بيتعاملوا زيك ... و احنا مش بنقيس على القاعدة المثالية الغائبة ...

و بالتأكيد بالتأكيد ده هيأثر على توجه البنت لما تتربى و تلاقي الفكرة دي سائدة حواليها .... و مهما حاولت تغير من المسار المرسوم ليها أكيد هتلاقي قوى تغير من اتجاهها ... و اقولك الحقيقة ... ماحدش بيحب يبقى منتقد .... خصوصاً لو كان الانتقاد الموجه ليك إنك بتخاف فكرتك اللي انت المفروض عليها ... فاهم قصدي ؟؟

و عليه فانا ممكن اعدلك ببساطة مثلاً أسماء الكثير من الأشخاص الذكور الذين صادفتهم في حياتي بشكل أو بأخر يحملون مثل تلك الاهتمامات الثقافية و تظهر آثارها عليهم ... في حين لو فكرت أعد الإناث اللي كانوا بيتعاملوا بنفس الجرأة مع المجتمع أكيد هلاقي العدد أقل كتير ....

رد ولد اخر على هذا الكلام قائلاً:

و الله البنات هما اللي عملوا في أنفسهم كده

من كتر هيافتهم بقت هي دي القاعدة و بقى الواحد بيستغرب جدا لما بيلاقي واحدة بتفهم في السياسة أو في اهتمام عالي المستوى

إلى أن صارت من مقومات البنت العادية هي إنها تهتم بشكلها و مظهرها و فقط و بقية آراءها في بقية أمور المجتمع و الحياة تكون سطحية عاطفية على غير أساس معرفي قوي

هذه هي الصورة التي لﻷسف أصبحت طبيعية و قلما نرى غيرها

بس أحب برضه أنوه كما أشار اﻷخ العقيد محرز باشا إللى إن الكلام ده موجود في الرجال برضه

بس بيدي انطباع موجب عنهم

و لﻷسف ينتشر عقلية أن إضفاء الاهتمامات العليا يؤثر سلبا على أنوثتها

من اﻵخرؤ كده

البنت العاقلة مش بنت

و في رأيي الشخصي إن الكلام ده صحيح فعلا

البنت العاقلة مش بنت فعلا

بس في رأيي الشخصي ......مفيش حاجة اسمها بنت عاقلة

المشكلة إن فيه ناس بتفتكر إن البنت المثقفة عاقلة و على هذا اﻷساس بيقلل ده من أنوثتها عندهم

و لكن حتى المثقفة ..... في اﻵخر هي بنت عادية جدا

يوم ما الواحد ( جوزها ) هيقول لها كلمة حلوة هترمي عقلها في الزبالة و تدوب في إيده زي الحلاوة

مرة واحد زميل راح اتقدم لواحدة و بتاع

قالت له في جلسة الخطبة إنها بتوزن اﻷمور كلها بدماغها و بتفكر بتسلسل منطقي و كده

صاحبنا اتسرع

حس إنه هيتجوز راجل زيه

و لله الحمد و لله الحمد بعد ما اتخطبوا البنت طلعت عاطفية و لا فيه لا عقل و لا بتنجان

و عاطفية بالثلث كمان

كلامي مش معناه إن الواحد يوم ما يرتبط عايز واحدة متخلفة

بس من اﻵخر كده مش عايز معلوماتها و ثقافتها تطغى على أنوثتها

يعني بتعرف تقول شعر ..... و بتغرف تدلع برضه

تعرف تتكلم في السياسة ..... و تعرف تتزين و تقول كلمتين حلوين للكابتن ماجد ( قصدي الكابتن جوزها )
ثم رد الولد الاول و قال :

دلوقتي فكرة إن البنت تظهر أنوثتها أو تكون "أنثى" هي فكرة لا تعني غير الشاب الغلبان اللي هيتجوزها...يعني هي بتعمل البدع وحركات الأنوثة كلها من أجل الحنكوش اللي عاوزه تعلقه أو اللي هيعلقها

لو اتفقنا على هذه النقطة يبقى هنقدر ننتقل للنقطة التالية بكل سهولة.

تقبل المجتمع للبنت المثقفة شيء عادي جدا...بالعكس فالرأي الشائع -واللي إنتي بنفسك قولتيه قبل كده على ما أتذكر- إن الرجل بيحب يتكلم مع المرأة المثقفة لكن ميحبش يتجوزها .
فلو بنتكلم من ناحية التقبل الاجتماعي للمرأة كإنسانة مثقفة فهو أمر واقع فعلا.

لكن لو هنتكلم على نظرية الحنكوش التي ذكرتها في صدر الموضوع  يبقى هنا في كلام.
الشاب المثقف الواثق من نفسه هيدور على واحدة مثقفة واثقة من نفسها لكن في نفس ذات الوقت "أنثى".
والشاب الشنكوتي اللي ملوش فيه...هيدور على واحدة "أنثى" وشنكوتة وملهاش فيه.

لكني غير مقتنع أبدا إن في دلوقتي شاب مثقف واثق من نفسه يروح يتجوز واحدة "أنثى" وفقط. ومشوفتش حد بالشكل ده عمل كده. يعني يروح يتجوز "أنثى" بدون ما تكون لها عقلية متوافقة مع عقليته وثقافته. ممكن ده كان بيحصل زمان في جيل أجدادنا وأهالينا، لأن تعليم المرأة مكانش منتشر والأفكار مكانتش زي دلوقتي. لكن هاتي لي دلوقتي شاب مثقف بيروح يتجوز من واحدة مجرد أنثى وفقط.

الحاجة الأخيرة

إقتباس

ممكن اذكر عدد لا أعلمه تحديداً من المرات اللي لما اكون لابسة شيء رقيق مثلاً أو حاطة اكسسوارات مثلاً أو شيء من النوع ده في قعدة بنات يخرج التعليق الشهير : ايه ده ما انتي بنت اهه !

الكلام ده ملوش دعوة بمسألة الثقافة على فكرة
الكلام ده بيتقال لأي بنت ملتزمة في ملابسها...يعني بيتقال عليهم غفر من قبل الشباب عشان بيلبسوا عبايات وطرح طويلة مثلا، لكن في قعداتهم الخاصة أو في الأفراح لما بيلبسوا زي ما البنات العادية بتلبس بيبقى الوضع مختلف وبيسمعوا نفس التعليقات ممن لم يسبق لهن رؤيتهن بمثل هذه الملابس الخليعة
حتى في تعاملاتهم أو كلامهم...ممكن جدا يتقال عليهم غفر ومقفلين...الخ، وده لأنهم مش بيظهروا "أنوثتهم" للي رايح واللي جاي.

وبعدين ما هو تعليق البنات ده طبيعي جدا ...زي ما يك في ولد مش بيلبس جينز مثلا وعلى طول بيلبس بنطلونات قماش وبيدخل القميص جوة البنطلون (مش بتكلم على شمساوي على فكرة) ويجي في يوم لابس تي شيرت وبنطلون جينز وسنيكرز...أكيد رد فعلنا هيختلف (تخيلوا كده يا شباب  وهو لابس جينز وتي شيرت )...أكيد هنقوله "اشطة يا عم...ما إنت روش أهو" 

فيه نقطة نسيت أتكلم عنها

الرجل مننا يحب يكون ليه دور في تكوين كيان زوجته

علشان كده بتكثر مقولة إن الراجل يتجوز واحدة خام علشان يشكلها زي ما هو عايز

دي ثقافة متواجدة و منتشرة جدا

البنت المثقفة بيبقى عندها نوع من الذاتية

يعني مابتبقاش عندها القابلية بسهولة إنها تتشكل حسب فكره

و ده بالتأكيد بيبقى ساعتها مش كويس 

و دخلت بنت تانية فى الحوار و قالت :

بالنسبة لوجهة نظرى الشخصية..
مبدأى بمنتهى البساطة ،اللى مش عاجبه ان انا اكون مثقفة و ذكية و اهتماماتى تخرج عن المطبخ و الملابس و الديكور..

يدور على انشف حيطة تقابله ...
و يخبط دماغه فيها..

المجتمعات اللى احنا عايشين فيها دى اصلا ليس لها اى اعتبار عندى عشان رأيهم يهمنى..
يعنى الكلام ده لو كان جاى من مجتمع محترم كان يبقى على عينى وعلى راسى ..

تعالوا شوفوا الغربيين قرفانين ازاى من زوجاتهم اللى كل همهم اللبس و الموضة و المكياج و الشوبينج..
دول اللى بتقولوا عليهم كل همهم المظهر الخارجى للمرأة ورغباتهم وبس ، هنا تفوقنا عليهم و عديناهم بمراحل..

على سبيل المثال ،اسألو أى راجل امريكى ايه رأيك فى الامريكيات؟
مش هيقول لك اكتر من التالى:
غبيات -جاهلات - سطحييات - كل همهم يصرفوا الفلوس و بس-ماينفعش تتناقش مع واحدة فيهم نقاش مفيد..

و بعدين يعنى اكيد اللى بتتكلم فى السياسة بتتكلم فى حاجات تانية عشان الملل برضه ..
النوع المتطرف ده اللى بيبقى غرقان قوى فى الهيافة او فى نقيضها ما ينفعش للارتباط..

ورد عليها الولد الاول و قال :

المجتمع اللي حضرتك جزء منه لا يتسحق هذه النظرة التي تنظري بها إليه

و أظن إن كلامنا واضح

المشكلة ليست في ثقافة البنت أو اهتمامها بالسياسة

المشكلة تكمن في تأثر أنوثتها بتلك الأمور

و هذا يحدث كثيرا و نراه كثيرا

يعني أنا ليا واحد صاحبي تاني ( غير الأولاني  )

صحفي و شاعر و بتاع

لما اقترحنا إنه يتجوز واحدة معينة زميلة معاه و كده رفض رفضا تاما و قال جملته الشهيرة

( دول مش حريم يا أحمد )

تلك النساء ينبغي طبعا أن نتخذ منهن موقف عدائي أو بالأصح موقف شفقة لإنهم فعلا يصعبوا على الواحد

الواحد عمره ما هيرفض واحدة علشان مثقفة

الواحد منا يوم ما بيتجوز بيتجوز واحدة ست

مثقفة مش مثقفة مابتفرقش و الله

.........

أنا يوم ما هاتجوز محتاج واحدة بتتعامل بفطرتها العادية البسيطة

يعني لو اتعورت تعيط و تنهار كإني انضربت بعيار ناري

مش واحدة تتأمل في الجرح بنظرة متفحصة و تطلع المنديل من شنطتها و تقوللي

اطمن .....هتاخد غرزتين مش أكثر 

If you want something you never had, do something you have never done says:

مش عارفة

If you want something you never had, do something you have never done says:

يمكن مثلا عشان انا عندى اعتقاد ان اغلب الناس اللى قدنا يعنى اللى المفروض بيحبو و كدة لما بسمعهم و اسمع قصصهم وكدة بحس انهم مش بيحبو ولا حاجة

If you want something you never had, do something you have never done says:

هما اللى هو نظام نفسهم يحبو و يتحبو و كدة فبيقنعو نفسهم انهم بيحبو و بتلزق فى اى حد بيستلطفوه بئى

GX says:

ha

GX says:

?

If you want something you never had, do something you have never done says:

مش عارفة بحس ان الحب ده بيجى لما نكبر و نركز كدة بئى و بيبقى احساس مميز كدة اللى هو مش انك تلاقى البنى ادم الكامل زى ما كنت بتحلم بيه بس تشوف بنى ادم عادى كانه كامل وكانه كل اللى كنت بتحلم بيه و تتقبله بكل عيوبه ومميزاته و تعامله معاملة خاصة كدة

If you want something you never had, do something you have never done says:

و اللى هو انه حاجة كدة يعنى زى ما تقول حتيجى لما تبتدى تفقد الامل و انت مش واخد بالك يعنى لحد مكنتش تتوقعه

If you want something you never had, do something you have never done says:

فاهمنى؟

If you want something you never had, do something you have never done says:

اما موضوع اعرف منين انى بحب و اصارح ولا لا بيتهيالى رايى زيك يعنى

If you want something you never had, do something you have never done says:

بس اعتقد ان الواحد يصارح حد و يعرف انه مش حينفع احسن من انه يعد عايش فى الوهم حتى لو حيخسر البنى ادم كصديق مهو معتبروش صديق من البداية

GX says:

ana ma3aky fe ely 2olteh

GX says:

bas fe 7aga

GX says:

msh shart

GX says:

3ashan ya3ny eh nerkaz wnla2y el bane2adm elkamel zay ma kont bte7lam beh  7ata law hoa 3ady hatshofo eno kamel w hoa ely kont bte7lam beh w tatakabalo

GX says:

tab ma da momken fe 2ay wa2t msh lazem lama nekbr w nerkz

If you want something you never had, do something you have never done says:

لا انا حاسة اننا صغيرين و هواءيين و لسة مفيش حاجة ثابتة عندنا

If you want something you never had, do something you have never done says:

اصل انا مقتنعة ان ده حيبقى التزام مدى الحياة مش نظام النهاردة بحبك و بعدين مشاعرى اتغيرت واصل مش عارف ايه ده اسمه استهبال

GX says:

ma hoa ely ana ha7ebo w hoa msh kamel bas ha7ebo w ashofo kamel delwa2ty w ba3den

If you want something you never had, do something you have never done says:

تضمن منين

If you want something you never had, do something you have never done says:

مش يمكن كنت بتضحك على نفسك او كنت لسة متعرفوش كويس

If you want something you never had, do something you have never done says:

المشكلة كمان ان اى غلطة بتغلطها فى حياتك وانت تتحمل نتيجتها ده عادى لكن تغلط غلطة و حد تانى يتحمل نتيجتها يبقى مش عادى

If you want something you never had, do something you have never done says:

فاهم حاجة؟

GX says:

ah

GX says:

bas 2aked law 7abet 7ad yb2a 2aked fhemto w 3refto

GX says:

bosy ana msh batkalem 3ala el le3b

GX says:

anaa batkalem 3an ely by7eb

GX says:

2aked law 7ab da  hyb2a 3erfo w darso kois gdn

GX says:

w msh batkalem 3an ely by7eb mn 2awel nazra w el 7ewarat de

GX says:

ana msh bakten3 beh

GX says:

el 7ob bygy w byzeed b el 3eshra w el ma3refa

If you want something you never had, do something you have never done says:

منا عارفة طبعا

If you want something you never had, do something you have never done says:

وانا كمان

GX says:

3ashan lama 2a5tar da en hoa da 7abeby 2akon ana 3erfto w 7abeto 3ashan 3erfto

If you want something you never had, do something you have never done says:

بص انا قصدى ان الدنيا كدة غريبة ناس تبقى فاكر انك عارفهم كويس وفجاة تكتشف انك متعرفهمش و متبقاش عارف هما اللى اتغيرو و لا انت اللى مكنتش شايفهم صح و ناس تسيبك وناس تسيبهم وناس مكنتش تتخيل حياتك من غيرهم بعد كدة تبقى مش حاسس انهم فارقين معاك اصلا

GX says:

sa7 wallahy

GX says:

bas da maymna3sh en bardo n7eb

If you want something you never had, do something you have never done says:

احتمال اكون انا اللى بحسبها كتير زيادة عن اللزوم

GX says:

bte7sebeha ezay  ya3ny

GX says:

ya3ny bta5dy e7tyat

If you want something you never had, do something you have never done says:

احتمال بص هى المشكلة انى  شايفة الحب و الجواز و الاطفال و كل ما يتعلق بالليلة دى مسئولية كدة على بعضها و لازم لما تاخدها تتحمل المسئولية دى طول عمرك و متخدش اجازة منها يوم واحد هى صحيح بتديك سعادة واحساس حلو بس مينفعش تتراجع فاهمنى

If you want something you never had, do something you have never done says:

فالموضوع ده تقدر تقول بيخوفنى

GX says:

ah ya3ny lazem 2abl 2ay 5atwa ta5odha tkon 7azer feha

GX says:

ma hoa da bardo el ana ba2sodo

GX says:

bas ana 2asdy ta5od 7azark 3ady delwa2ty w t7eb bardo

GX says:

??????

If you want something you never had, do something you have never done says:

طب و بعد ما تحب

If you want something you never had, do something you have never done says:

??

GX says:

ah

GX says:

sa3ba de

If you want something you never had, do something you have never done says:

shoft ba2a

GX says:

ana fe 7aga ha2olk 3aleha egaba la da

If you want something you never had, do something you have never done says:

2ol

GX says:

bas msh hataktan3y

GX says:

ana etkalemt fe el mawdo3 da kter w 2olt kalam kter l7ad ma weslt le el egaba de

GX says:

en el wa7d mayfdalsh y7sebha 3ashan msh haynfa3 2aham 7aga ykon by7eb w ba3d keda hatla2y el 7agat b tet7al w btefata7

GX says:

bas msh ma3na keda en tkon 3elaka mo3akada w n2ol hankamel

GX says:

enty 2asdek w ba3d ma t7ebo eh zay egabty wala 7aga tanya

GX says:

?

If you want something you never had, do something you have never done says:

aywa bas da fel awel bas laken ba3d keda maynfa3sh tsib kol 7aga lel telka2ya keda

If you want something you never had, do something you have never done says:

w ba3dein ts2al leih el t3awod wel malal mawet ay 7aga kont ba7esaha

GX says:

na3am

GX says:

bt2oly eh

If you want something you never had, do something you have never done says:

a kalami 3agib wala enta msh fahem fe3lan

GX says:

msh fahem da

GX says:

w ba3dein ts2al leih el t3awod wel malal mawet ay 7aga kont ba7esaha

If you want something you never had, do something you have never done says:

ana baftared aslan enha 3leaka 7atstamer msh 7atboz

If you want something you never had, do something you have never done says:

el etsmrarya di 3ayza sho3'l mabtgish lwa7daha

GX says:

fahmeny so2alek el 2asly

GX says:

طب و بعد ما تحب:

msh yob2a fi ay takadom ya3ni

GX says:

enta 2asdek eh b wba3d ma n7eb de

If you want something you never had, do something you have never done says:

حجات كتير يعنى منها اللى انت قولته زائد اه فعلا و بعد ما نحب و نتصارح و كل حاجة تمام حنفضل فى المرحلة دى بئى وحنفضل نعمل ايه برضه يعنى اللى هو مش المفروض الناس بترتبط بئى و تخطب و كدة يعنى ده فى سننا كدة ازاى يعنى

If you want something you never had, do something you have never done says:

الموضوع كله مينفعش قبل ما الواحد يركز على نفسه الاول و يشوف هو مين و عايز ايه و حيعمل ايه

GX says:

ya3ny lama yt5arg belma3na el 2asa7

If you want something you never had, do something you have never done says:

مش شرط المهم يبقى محدد حيعمل ايه منا ممكن اتخرج واعد برضه اقول طب و بعدين يعنى

GX says:

enty 2asdek 3ala el sho3'l bas 3ala kol 7aga

If you want something you never had, do something you have never done says:

لا مش شغل بس شغل و شخصية و طريقة تفكير

GX says:

ah zay eh ba2a

GX says:

hoa da ely 3ayz 2awsalo

GX says:

eh hya el 7agat el 3'er el sho3'l

GX says:

???????

If you want something you never had, do something you have never done says:

لا مش شغل بس شغل و شخصية و طريقة تفكير

If you want something you never had, do something you have never done says:

و احلام

GX says:

ah msh fahem ya3ny eh

If you want something you never had, do something you have never done says:

بص يا عمرو يعنى المفروض انا شايفة المفروض الواحد يحدد هو عايز ايه و احلامه ايه و ايه حدود احلامه دى وايه اللى يتطلبه تحقيق حلمه ده و يحدد شخصيته و  مقاييسه و هو يقدر يقدم ايه و هو عايز ايه فى الحد اللى حيبقى شريك حياته

If you want something you never had, do something you have never done says:

و بعدين يمشى بئى حسب اللى حدده ده

GX says:

tab ma da el tabe3y ya benty

GX says:

2omal hoa hay7eb w ba3d keda hay3mel eh

GX says:

hayo3d ytfarg 3aleha

GX says:

2aked hay3mel kol 7aga y2der y3melha 3ashan ywsal le el 2ensana de

If you want something you never had, do something you have never done says:

ya salam

If you want something you never had, do something you have never done says:

ده مين ان شاء الله اللى بيفكر اصلا فى الكلام اللى انا قلته

If you want something you never had, do something you have never done says:

كله بيعيش وخلاص

GX says:

ya salam

GX says:

ah ya3ny y3eshlo yomen ya3ny w e2leb

انا رايى ان الواحد لو حب فعلاً بجد ولقى تشجيع من الطرف التانى هيحقق كتير من الى هو عايز يعملوا بس يكون الطرف التانى معاة ويشجعة ويحمسة

موضوع كل ما أفكر فيه مش عارف لية مش بوصل لحاجة هو موضوع فى ناس كتير أختلفت معايا فية بس انا مش عارف هو انا الى صح ولا اية ..............

مش عارف

مرة ومرة ومرة والموضوع بيتكرر كتير لحد ما فى الأخر حسيت أن انا غلط و الناس الى صح

وانا صغير كنت بتكسف كان صعب اوى انى احرج حد كنت عمرى ما أقدر أحرج وكنت بحمل على نفسى عشان ماحرجش حد كان عمرى ما أقدر أقول لحد لا

كنت بتكسف حتى أحرج واحد صاحبى

 عمرى ما كنت بقدر أقول لحد لا إلا الى واخد عليهم أوى أوى

ودى كانت بتعملى مشكلة كبيرة طبعاً مع بابا و ماما كانو يفضلو يقولو ليا ما تبقاش كدة ما تبقاش سلبى كنت بدايق لأن انا مش شايف دى سلبية وانا شايفها غير كدة خالص عمرها ما تكون سلبية وطبعاًهما مش كان قصدهم انى سلبى بس كان عايزين انى اسيب العادة دى

يقولو لية انت مش هاينفع تعيش كدا وانا بردو مش بسمع كلامهم

وكبرت وانا فيا نفس العادة دى حسيت ان انا طيب زيادة عن اللزوم مش عارف دى طيبة ولا خيبة ولا كسوف

وبعد كدة بعد ما دخلت الجامعة بدأت أتعامل مع ناس جديدة ناس عندها فكر جديد

بدأت اخرج لى المجتمع وأتـكلم مع الناس بدأت أتعامل مع ناس ماعرفهاش خارج الجامعة المجتمع بالنسبة ليا بدا يكون مفتوح بتعامل مع ناس كتير أوى مش محدود العلاقات

وبردو معايا العادة دى بس حسيت انى مش هاينفع اتعامل كدة مع الناس حسيت أن انا غلط حسيت ان انا مش صح الى انا بعملة دة مش هاعرف اتعامل مع الناس حسيت ان انا غريب

وفى يوم كنت بتكلم مع واحد صاحبى وحصل موقف بينى وبينة  قالى انت مش هاتنفع تعيش يبنى كدا انت بتتكسف  عمرك ما هتعرف تعيش كدا مع الناس مافيش حاجة اسمها كدة الى انت بتعملة دة

حسيت ان كلام بابا وماما كان صح

بس مش عارف لية كدة بقى انى اتكسف غلط

حاولت اتقمص دور أنى أتعامل غير كدة حسيت انى عرفت أتعامل مع الناس أتعاملت مع ناس وأتعاملت مع ناس وأتعاملت مع ناس بكذا طريقة غير طبيعتى ونفع التعامل بالطريقة دى حسيت انى بعرف أتـعامل مع الناس حسيت ان الطيبة مش بتنفع الكسوف مش هاينفع

 بس ساعات مش بحب نفسى كدا مش بقدر أشوف نفسى كدا وبرجع تانى لعادتى لطبيعتى بلاقى ان الطريقة التانية أحسن

بس طبعاً فى ناس مش بقدر أتعامل معاهم كدا عشان بحبهم

ناس لو أتعاملت معاهم كدا عمرى ما هكون بحبهم عشان انا بحبهم يبقى لازم أتعامل معاهم بطبيعتى

بس انا مقتنع ان انا بطبيعتى صح وواثق فى نفسى وفى كلامى وهفضل طول عمرى كدة بس هاتعامل مع الى يستاهل بس معاة بطبيعتى  لاكن الناس التانية بقى هما الى عايزين منى كدة اوك وانا بعرف اتعامل بالطريقتين

بس انا مش عارف هو الناس كلها شايفة أن انا غلط ولا انا صح والناس غلط ولا اية ؟

بس لو انا غلط يبقى بجد يا عينى عليكى يا طيبة لما بتضيعى منا

لما بنصحى نلاقينا بقينا حد غيرنا

وبقينا أزاى كدة ..........

أجمل ما فينا قلب أصبح حتة حجر

أتعلم الخيانة واللعب بالبشر

ومين أضطرنا وأحنا أزاى رضينا

ونقول مكتوب علينا

وبقينا أزاى كدة

يا عينى عليكى يا طيبة

ذهبت لكى أنام كعادتى بعد ان اصلى الفجر ووضعت رأسى لكى أنام مثل كل يوم ولكن هذا اليوم كان غريباً وجدت ذهنى مشغولآً لا اريد ان انام لا أدرى لماذا وبدأ تفكيرى يعمل , وجدت نفسى اتكلم مع نفسى وأسأل نفسى أسألة وأرد على نفسى وكأن هاتف يأتى لى وأرد أنا ووجدت سؤال غريب هل انت سعيد ام غير سعيد

ووجدت نفسى أفكر مع أن الأنسان يدرى هل هو سعيد أم لا

ووجدت تفكيرى يقول لى وكيف تسير حياتك لكى تحكم هل انت سعيد أم لا

بدأت أفكر كيف تسير حياتى ؟

وجدت ان حياتى غريبة تسير فى تقلب مستمر أحياناً تكون فى اتجاة واحياناً تكون فى أتجاة اخر لا تسير فى اتجاة محدد احياناً أشعر بسعادة قليلة وأحياناً اشعر بملل وأحياناً اشعر انى مخنوق وأحياناً اشعر بالحب وأحياناً اقول ليس هو الحب أجلس مع من أحب وأتكلم معة ولا أدرى هل يعرف أنى أحبة ام لا أحياناً أشعر انة يحبنى وأحياناً اقول لا وأجمل شعور أحس فية بالسعادة عندما تجلس مع من تحب وهو يجلس معك وانت تعرف انة يحبك أيضاً ولكنة لم يفضى لك بحبة وانت لم تفضى لة بحبك فعلاً انة شعور جميل أشعر فية أحياناً بالسعادة وأحياناً أقول لا هذا أمر عادى وطبيعى ليست هذة هى السعادة

وأحياناً اجلس مع من يدعى أنة يحبنى وأتكلم معة وانا اعرف انة لا يحبنى ولكنة يدعى انة يحبنى

اجلس احيانا مع اقرب أصدقائى واحيانا أشعر أنهم لم يصبحو أقرب أصدقائى لا أدرى هل كلما يتقدم العمر بنا تقل صداقتنا ام تزيد ترى هل أحساسى سليم

هل هم فعلآً الأن من أقرب الناس لى أم زال ما كنا فية

وأحياناً اجلس مع شخص يحبنى ولكنى لا أستطيع أن احبة لا أدرى لماذا

أحياناً اجلس وافكر انى أعيش مع نفسى سيكون لى أفضل ولكنى أرجع اليهم مرة اخرى لأنى احتاج الى من احكى لة

هناك من يحكون مع عائلتهم مع أبيهم مع أمهم مع أخوتهم

ولكنى لست هكذا لا أستطيع ان أحكى مع أحد منهم الا اذا سألنى أحد وحتى عندما يسألنى أحد لا أجاوب دائماً ولكن احياناً اضغط على نفسى وأجاوب حتى لا يشعروا ببعد منى وهروب منهم

ولكن اشعر انهم يشعرون بأنى بعيد

حتى ان امى أحياناً تقول لى لماذا لا تحكى معى

عندما تقول لى هكذا أشعر بضيق فى نفسى لأنى أريد أن احكى ولاكنى لا استطيع ان احكى لا ادرى لماذا

هناك كلاماً بداخلى كثيراً لاأحد يعرفة عنى أبداً حتى من هو أقرب الناس لى

"أقرب الناس لى" لا أستطيع ان اقول هذة الكلمة لانة لا يوجد من هو أقرب الناس لى لا أدرى لماذا وهل من الممكن ان يكون هناك من هو أقرب الناس لى ولا أشعر انة اقرب الناس لى او هل هناك فى حياتى الأن من من الممكن ان يكون هو أقرب الناس لى ؟ لا أدرى

وطبعاً هذا بأستثناء أبى وأمى وأخوتى الذين لا أحكى معهم بالطبيعة هم أقرب الناس لى ولكنى لا أقصدهم

ولكن كيف تسير حياتى ؟

أشعر انى أريد ان أكون شىء

أشعر أنى اريد أن اعمل واحب ان اعمل وأبدأ فى طريق مستقبلى من الأن

ولاكن يأتى الأعتراض من ابى وامى عندما أقول لهم هذا يردون على ويقولون " انت الأن لا يمثل لك العمل شيئاً لا داعى لك بمستقبلك الأن وركز فى دراستك أنت لا تحتاج الى ان تشغل نفسك بمستقبلك من الأن فأنت عندك من يتولى رعايتك خذ خبرة فى الحياة الأن ولاكن لا تكن هى همك الأساسى ليكن همك الأساسى هو ان تهتم بدراستك "

ولكنى أشعر بفراغ فى حياتى أريد ان اشغلة من الأن وما زالت هى نقطة الجدال مع أبى وأمى فى هذة الفترة

ثم أفكر فى شىء احبة جداً وهو " انى أحب الحب " اشعر انى لا أستطيع أن اعيش من غير حب فى حياتى أشعر انة يأخذنى من همومى يا لهذا الحب من جمال

ولكن اعود فأقول ولماذا أشغل نفسى بحب من الأن وهل هذا الحب سيكتمل ويأخذ مجراة الطبيعى

ولكن أعود مرة أخرى وأقول وما المانع ان أحب وأضع فى تفكيرى وأوقن ان هذا الحب سيكتمل  ويا لها من فرحة عندما يكتمل

واستقر فى النهاية انى أحب وأضع فى تفكيرى ان هذا الحب سيكتمل

وفى النهاية وبعد تفكير عميق وانا  أفكر  قلت "حياتى لية كدة " هل هى حياة سعيدة ام لا

لا أدرى هل هى سعيدة ام لا

وغلبنى النوم وانا أقول  "حياتى لية كدة "  "حياتى لية كدة "