| amr's profileGXPhotosBlogLists |  Tools  Help |
|
September 23 العروسة دى زى البطيخة العروسة دى زى البطيخة :d:d فعلا واللهى زى البطيخة يا تطلع حمرا يا تطلع ..... و لو طلعت ..... يبقى امك دعيا عليك و هتعيش حياة ما يعلم بيها إلا ربنا طيب هتعمل اية طيب !!! فكرت كتير فى الموضوع دة و اتكلمت مع ناس كتير و فى ناس ما شاء اللة تفكيرها ما يعلم بية الا ربنا و ربنا معاهم بقى و هما نصيبهم و فى ناس تانية تتكلم معاها تحس انك بتستفيد من فكرها وبتاخد منها نصايح فى الموضوع دة المهم طيب انا وصلت لحاجات كدة بس بردة ممكن تطلع ........ مهما انت عملت و اختارت بس دة يبقى قدرك و نصيبك بقى هتعمل اية  بس الواحد بقى يعمل اللى علية ، اهو يختار صح و يختار واحدة عاجباة و خلاص يعنى هنعمل اية يعنى المهم طبعاً ان الواحد يبدأ اول حاجة فى موضوع الاختيار دة حسب ما الرسول صلى اللة علية وسلم قال لجمالها و حسبها و نسبها و دينها و اظفر بذات الدين طيب ماهو بردة الوحد لازم يفكر يعنى اية ذات الدين يعنى تكون ازاى يعنى ؟ يعنى اية مواصفتها اللى تكون ذات دين دى ؟ في واحد يقولك انا عايز اتجوز واحدة متدينة طيب عايزها متدينة ازاى يقولك تكون داعية فى المساجد و حافظة 20 جزء من القرءان و لابسة نقاب و كدة تكون متدينة بالنسبالة غير كدة مش متدينة!! وبعد الجواز يفضل يصوت لية يا عم مش هى دى اللى انت نفسك فيها و عاجباك و اشترط ان هيا تكون كدة يقولك اة طيب مالك ؟!! يقولك مش عارف اعيش حياتى حاسس انى مش متجوز تعرف لية ؟ اصل انت مش متجوز واحدة عشان تقولها انا تبع مذهب الامام مالك و هى تقولك انا تبع مذهب الامام ابو حنيفى ولما تعمل حاجة تقولك قال الامام ابو حنيفة كذا كذا و مثلاً لما تتخنقو ولا تحصل بينكو مشكلة تتصل بالشيخ ابو اسحاق الحوينى عشان يحكم بينكو كدة عمرك ما هتعيش حياتك كدة انت لازم تشتغل داعية زيها و تشغل وقتك بالدعوة طول الوقت عشان مش تفضلها و يبقى انتو ال2 بقى مش فاضين لبعض خالص و بردة مش هيعجبها اصل مش بيعجبهم حاجة هتقولك انت اهملتنى و حياتى و كدة المهم يعنى يبقى الاختيار من الاول غلط اصلاًطيب ازاى اختار واحدة متدينة يعنى ؟!!! قاقولك انا بقى المتدينة دى من وجهت نظرى يعنى بنت طالعة من بيت كويس محترم بابها انسان كويس و محترم و طبعاً طبعاً مامتها تكون انسانة محترمة جداً عشان حاجات كتير زى مثلا ان لو مراتك تعبت طبيعى هتروح عند مامتها مش عند مامتك انت و ابنك هيتربى عندها يعنى لازم تكون مطمن ان ابنك بيتربى صح و على مبادىء صح و كمان طبعاً لو عندها اخ لازم يكون محترم و كويس عشان هيكون عند مامتها و ابنك هيتربى هناك طيب ما دة كدة طبيعى فين بقى الدين بص يا عم متدينة دى يعنى لازم تكون عارفة فى الدين بمعنى عارفة ان دة حرام و دة حلال اصل تبقى مصيبة لو مش عارفة لية بقى اصل انت مش عايز واحدة لسة ماتعرفش ، لان متدينة دى يعنى واحدة تعرف اساسيات دينها كويس مش شرط تكون داعية او كدة بس على الاقل تكون عارفة ، حتى لو كانت بتعمل حاجة غلط بس عارفة انها بتعمل غلط مش مشكلة كلنا بنغلط بس اهم حاجة تكون عارفة ان دة غلط عشان لما تيجى تتكلم معاها تعرف تتكلم معاها مش تقولك لا كدة مش حرام او كدة مش غلط و عشان حاجة كمان يعنى مثلاً لما تحصل حاجة و انت عايز تخوفها مش لازم بمعنى تخوفها يعنى المهم انك عايز يعنى تعمل حاجة فخدت اسلوب التخويف معاها فهتخوفها بالدين بمعنى انك هتقولها دة حرام زى مثلاً ان هيا تكون بتحط عطر و فى حديث عن الرسول ان المراة المتعطرة كل ما حد يشم العطر بتاعها تاخد ذنب الزنا طيب لو هيا اصلاً مش مقتنعة بكدة فهتقولها كدة ولا هيفرق معاها ، و انك مثلاً تدعوها للفراش تقولك لا دى فى حديث عن الرسول ان الملائكة بتلعنها هتقولها كدة هتقولك خليها تلعنى ماهو مش فارق معاها اصلاً هى متربتش على كدة و معرفتش كدة و حاجة زى موضوع اللبس بردة لازم يكون محترم مش شرط يكون يعنى اسدال او نقاب او كدة ، اهم حاجة يكون محترم و خلاص و طبعاً فى حاجات تانية كتير بس مش وقتو بقى يبنى دى مش هتنفع تبقى زوجة لو مكنتش كدة دة تفكيرى فى موضوع الدين تانى حاجة بقى و هيا موضوع الحسب و النسب ، الموضوع دة بقى مبيفرقش معايا ، يعنى مش هيفرق معايا غنية او فقيرة او من عيلة كذا و كذا و الحاجات دي بس بردة مينفعش تروح تتجوز واحدة اعلى من متسواك بكتير عشان هتتعب معاها جداً و مش هتقدر على متطلبتها لازم يكون بردة فى تقارب فى المستوى بمعنى يعنى ممكن اغنى شوية بس مش كتير او اقل شوية بس بردة مش كتير اوى و بردة ممكن اقل كتير او بس يكون الكلام اللى قولتو فوق دة كلة متوفر ساعتها مفيش مشاكل رابع حاجة بقى و هى الجمال و الموضع دة ممكن يختلف من واحد لواحد بس انا واحد شايف ان الافضل انك تتجوز واحدة جميلة من وجهة نظرك انت يعنى مش لازم تكون ملكة جمال يعنى كفاية تكون عجباك بس دة لو انت شايف نفسك محتاج الجمال شىء اساسى لكن موضوع الجمال دة لو عادى بالنسبالك فخلاص مش مشكلة بس تكون متأكد ان هو عادى بالنسبالك مش تكون بتوهم نفسك يعنى انا بالنسبالى شايفة موضوع اساسى يبقى مقدرش استغنى عنة دول كدة الاربع حاجات اللى الرسول قال عليها فى حاجة كمان بقى و وهى انها تكون مطيعة ، بمعنى اية مطيعة بص مطيعة بمعنى مطيعة بمعنى انها مش كثيرت الجدل ومش عندية و مش متسلطة مش معنى كدة ان تقول انا عايز واحدة تقول سمعاً و طاعة من غير كلام لا طبعاً مش كدة هو طبيعى انك لازم تتناقش و يا تقنعها يا تقنعك و فى الاخر توصلو لرأى واحد بس انا مش بتكلم على كدة اصل فى واحدة يبقى هيا بتحب تجادل دى بعد 5 ولا 6 مناقشات هتروح عند امها و العندية دى بلاش بقى اتكلم دى متنفعش اصلاً خالصبيتهيئلى دى كل الحاجات اللى فى دماغى دلوقتى و اللى شايف انى هختار على اساسها و ربنا يسهل بقى و طبعاً الحاجات دى كلها من زجهة نظرى انا و اكيد ممكن تكون من وجهة نظر حد تانى مش مهمة خالص و عندة حاجات اهم من كدة بكتير بس بردة فى حاجة اساسية لازم الواحد يحطها فى دماغة انك ممكن تختار كل حاجة انت عايزها و تروح و تتقدم و يوفقو عليك و البنت تبقى مبسوطة بيك جداً و فى الاخر على اتفة سبب الموضوع يفشل عشان ربنا مش كاتبلك ولا مقدرلك البنت دى و ممكن تروح و تترفض و كل حاجة تنتهى و بعد فترة تلاقى الموضوع رجع على اتف سبب و تتجوزها عشان ربنا قدرلك ان هيا دى مراتك Comments (2)
TrackbacksThe trackback URL for this entry is: http://gx9oo.spaces.live.com/blog/cns!360811458524A07B!478.trak Weblogs that reference this entry
|
|
|
